Mayın 24-də Türkmənistanın paytaxtı Aşqabadda MDB-yə üzv ölkələrin Hökumət Başçıları Şurasının iclası keçiriləcək.
YeniAvropa xəbər verir ki, bu barədə "TASS" agentliyi MDB İcraiyyə Komitəsinin mətbuat xidmətinə istinadla məlumat yayıb.
“Fevralın 27-də Minskdə keçirilən görüşdə MDB-yə üzv dövlətlərin Daimi Səlahiyyətli Nümayəndələri Şurasının üzvləri MDB Hökumət Başçıları Şurasının mayın 24-də Aşqabadda keçiriləcək növbəti iclasının gündəliyinin layihəsinə dair təkliflərə baxacaqlar”, - deyə məlumatda qeyd edilib.
Xatırladaq ki, MDB Hökumət Başçıları Şurasının əvvəlki iclası 2023-cü il oktyabrın sonunda Qırğızıstanın paytaxtı Bişkekdə baş tutub. O vaxt iclasda Rusiya, Belarus, Qırğızıstan, Qazaxıstan, Özbəkistan, Tacikistan hökumət başçıları, Azərbaycan, Ermənistan və Türkmənistanın baş nazirlərinin müavinləri, həmçinin Avrasiya İqtisadi İttifaqının strukturlarının və MDB İcraiyyə Komitəsinin nümayəndələri iştirak ediblər.
1141
1141
