Oktyabrın 16-da saat 18 radələrində Binəqədi rayonunun Biləcəri qəsəbəsi ərazisində yolu keçən qəsəbə sakini Sürəyya Əfəndiyeva müəyyən edilməyən avtomobillə vurulub. Arxadan gələn Bakı şəhər sakini H.Fətullayev isə idarə etdiyi “Hyundai” markalı avtomobillə onun üzərindən keçib.
Daxili İşlər Nazirliyinin mətbuat xidmətindən YeniAvropa-ya bildirilib ki, qəza nəticəsində piyada hadisə yerində ölüb.
Faktla bağlı Binəqədi rayon Polis İdarəsində araşdırma aparılır.
1435
1435
