“Rosaviasiya” ölkənin cənub və mərkəzi hissəsində yerləşən aeroportlara müvəqqəti uçuş məhdudiyyətlərini aprelin 7-nə qədər uzadıb.
YeniAvropa TASS informasiya agentliyinə istinadla xəbər verir ki, bu barədə Rusiyanın Federal Hava Nəqliyyatı Agentliyi məlumat yayıb.
Qurumun məlumatına görə, Anapa, Belqorod, Bryansk, Voronej, Gəlincik, Krasnodar, Kursk, Lipetsk, Rostov, Simferopol və Elista hava limanlarında uçuşlara qoyulan məhdudiyyətlər aprelin 7-si Moskva vaxtı ilə saat 03:45-ə qədər davam edəcək. Rusiya aviaşirkətlərinə həmin hava limanlarına sərnişinlərin daşınmasını təşkil etmək üçün alternativ marşrutlar kimi Volqoqrad, Soçi, Mineralnıye Vodı, Moskva və Stavropol hava limanlarından istifadə etmək tövsiyə olunur.
“Rosaviasiya” ölkə ərazisində yerləşən digər aeroportların adi rejimdə fəaliyyət göstərdiyini bildirib.
Qeyd edək ki, Rusiya Ukraynaya qarşı müharibə çərçivəsində fevralın 24-dən etibarən ölkənin cənubunda və mərkəzindəki hava məkanının bir hissəsini mülki təyyarələr üçün bağlayıb.
2002
2002
