Rusiya Ukraynadan Krım və Sevastopolu hərbi yolla geri qaytarmaq cəhdindən imtina etdiyini nəzərdə tutan yazılı təklif alıb.
YeniAvropa "TASS" informasiya agentliyinə istinadla xəbər verir ki, bunu Rusiya nümayəndə heyətinin rəhbəri, RF prezidentinin köməkçisi Vladimir Medinski Kiyev və Moskvanın nümayəndə heyətləri arasında Türkiyənin İstanbul şəhərində keçirilən görüşün nəticələri barədə jurnalistlərə açıqlamasında deyib.
“Təhlükəsizlik təminatı Krım və Sevastopola aid deyil, yəni Ukrayna bu əraziləri hərbi yolla qaytarmaq istəyindən vaz keçir və bunun yalnız danışıqlar yolu ilə mümkün olduğunu bəyan edir. Bu, bizim mövqeyimizə heç bir halda uyğun gəlmir, lakin Ukrayna öz yanaşmasını formalaşdırıb”, - deyə Vladimir Medinski bildirib.
Onun sözlərinə görə, Ukraynanın təklifi Donbasın “ayrı-ayrı rayonlarına” da şamil edilməyəcək. Həmçinin Kiyevin təklifləri Ukraynanın beynəlxalq hüquqi təminat altında daim neytral dövlət kimi qalmasını nəzərdə tutur və orada dövlətin təhlükəsizliyinin qarantı olan ölkələrin siyahısı təqdim olunur.
2128
2128
