Ərdoğanı Milli Təhlükəsizlik Şurasını topladı

Türkiyə prezidenti Rəcəb Tayyib Ərdoğanın sədrliyi ilə Milli Təhlükəsizlik Şurasının növbəti iclası keçirilib.

YeniAvropa xəbər verir ki, martın 23-də Prezident Administrasiyasında keçirilən iclasda beynəlxalq və regional təhlükəsizlik məsələləri müzakirə olunub.

Türkiyə Prezidenti Administrasiyasının Kommunikasiya İdarəsinin iclasın yekunu ilə bağlı yaydığı açıqlamada bildirilir ki, PKK/KCK-PYD/YPG və FETÖ başda olmaqla, milli birlik və həmrəyliyə, hər cür təhdid və təhlükəyə qarşı ölkə daxilində və xaricdə əzm, qətiyyət və müvəffəqiyyətlə həyata keçirilən antiterror əməliyyatları aparılmaqdadır.

Rusiya ilə Ukrayna arasında baş verən son hadisələrin bütün istiqamətlər üzrə müzakirə edildiyi iclasda Ukraynanın suverenliyi və ərazi bütövlüyü nəzərə alınmaqla hücumların tez bir zamanda dayandırılması, atəşkəsin əldə edilməsi, iki ölkə arasındakı problemlərin daimi həlli üçün səylərin artırılmasına ehtiyac olduğu qeyd edilib.

Türkiyənin Qara dənizdə sülh və sabitliyin qorunması üçün Montrö Konvensiyasının tətbiqi də daxil olmaqla, üzərinə düşən öhdəlikləri yerinə yetirməklə yanaşı, vasitəçilik və sabitləşdirici fəaliyyətlərini davam etdirəcəyi bildirilib.

İraqdakı siyasi proseslərin ölkədə sabitliyi möhkəmləndirəcək şəkildə irəliləməsi ilə bağlı vurğulanır ki, İraq xalqının təhlükəsizliyi və əmin-amanlığına önəm vermək məqsədilə terror təşkilatlarına qarşı mübarizə qətiyyətlə davam edəcək.

Liviyada böyük fədakarlılarla qurulan sabitliyin Liviya xalqının sülh və rifaha nail olması üçün mühüm qazanc və fürsət olduğu qiymətləndirilib, yeni qarşıdurmalara səbəb ola biləcək addımlardan qaçmaq və demokratik proseslər aparılması üçün çağırış edilib.

Açıqlamada qeyd olunur ki, Türkiyənin sərhəd təhlükəsizliyini və Şərqi Aralıq dənizindəki haqlarını qorumaq üçün qərarlılığının, Qara dənizin şimalında baş verən proseslərdə tarazlaşdırıcı mövqeyinin, Balkanlarda və Qafqazda sabitliyin təsis edilməsi və qorunması istiqamətində sərgilədiyi israrın qlobal və regional sülhü qorumaq istiqamətində qətiyyətinin nə dərəcədə düzgün olduğu son proseslərdə bir daha özünün göstərib.