Lukaşenko Zelenskini hədələdi:"Ya Putinlə razılaş,ya da koputulyasiya aktını imzala"
“Rusiya prezidenti Vladimir Putin Ukrayna prezidenti Volodimir Zelenskiyə tamamilə məqbul razılaşma variantı təklif edir. Bu gün Ukrayna və Rusiyanın razılığa gəlməsi və Zelenskinin Putinlə bu razılaşmanı imzalaması hələ də mümkündür”.
YeniAvropa xəbər verir ki, bunu Belarus prezidenti Aleksandr Lukaşenko Yaponiyanın "TBS" telekanalına müsahibəsində söyləyib.
“Əgər Zelenski Putinlə razılaşma bağlamasa, o zaman o kapitulyasiya aktına imza atmalı olacaq. Rusiya bu müharibədə uduzmayacaq. Biz buna 100 % əminik. Bir tərəfin qələbəsi ilə bitən müharibənin nə ilə nəticələndiyini Yaponiya hamıdan yaxşı bilir”, - deyə Aleksandr Lukaşenko bildirib.
O, Ukraynanın ölkəsinə qarşı eskalasiyanı davam etdirəcəyi təqdirdə cavab tədbirləri görəcəyini də vurğulayıb: “Nəyi nəzərdə tuturam? Fevralın 23-24-də onlar Belarus ərazisinə zərbə vurmağı planlaşdırırdılar. Bu barədə danışmışam. 4 istiqamətdən. Biz bunu qabaqladıq. Onlar bizim dövlət sərhədimizi uçuş aparatları, helikopter və s. vasitələrlə pozurlar”.
Qeyd edək ki, Rusiya Silahlı Qüvvələri Belarus ərazisindən Ukraynaya şimaldan hücum platforması kimi istifadə edir, oradan həm quru, həm hava qüvvələrini göndərir və raket atışları gerçəkləşdirir.
2240
2240
