İtaliyanın maliyyə polisi rusiyalı oliqarx Petr Avenin Sardiniya adasındakı villasının üzərinə həbs qoyub.
YeniAvropa xarici KİV-ə istinadla xəbər verir ki, martın 16-da maliyyə polisi Avropa İttifaqının sanksiya siyahısına daxil edilmiş rusiyalı oliqarxlara məxsus aktivlərin müsadirəsinə başlayıb.
Belə ki, Sardiniya adasının Sassari əyalətində rusiyalı oliqarxa məxsus, dəyəri təxminən 4 milyon avro olan daşınmaz əmlak kompleksi müsadirə edilib.
Qeyd edək ki, İtaliya indiyədək rusiyalı oliqarxlara məxsus ümumi dəyəri 143 milyon avro olan yaxta və daşınmaz əmlak üzərinə həbs qoyub.
Xatırladaq ki,Petr Aven 1955-ci ildə anadan olub. Rusiyanın tanınmış iş adamı,siyasətçi, iqtisadçı, ən nəhayət oliqarxdır. Bu ilin mart əvvəlinədək, -adı Avropa İttifaqının sanksiyalar siyahısına düşənədək, - Rusiyanın nəhəng kommersiya bankı olan "AlfaBank"a rəhbərlik edib. Prezident Vladimir Putinin ən yaxın adamlarından biri hesab edilir. "Forbes"in məlumatlarına görə, P.Aven rusiyalı milyarderlər sırasında şəxsi varidatına görə 21-ci yerdə gəlir.
2058
2058
