Martın 24-də NATO-nun Ukraynadakı vəziyyət və alyansın müdafiə qabiliyyətinin artırılması ilə bağlı fövqəladə sammiti keçiriləcək.
YeniAvropa xəbər verir ki, bu barədə təşkilatın baş katibi Yens Stoltenberq martın 15-də özünün "Twitter" hesabında məlumat paylaşıb.
"Mən martın 24-də NATO-nun mənzil-qərargahında fövqəladə sammit çağırdım. Biz Rusiyanın Ukraynaya müdaxiləsini, Ukraynaya güclü dəstəyimizi, NATO-nun çəkindirici və müdafiə qabiliyyətinin daha da gücləndirilməsini müzakirə edəcəyik", - deyə NATO-nun baş katibi paylaşımında bildirib.
ABŞ-ın NATO-dakı daimi nümayəndəliyindən verilən məlumata görə, sammitdə Birləşmiş Ştatlar prezidenti Cozef Bayden də iştirak edəcək.