Rusiya neftini alan olmadığı üçün tender ləğv edildi
“Urals” markalı Rusiya neftinin satışına dair daha bir tender baş tutmayıb.
YeniAvropa xəbər verir ki, bu barədə “Bloomberg” agentliyi məlumat yayıb. Bildirilib ki, martın 14-də keçirilməli olan tenderə Rusiyanın “Zarubejneft” dövlət şirkəti cəmi 600 min ton olmaqla 6 partiya neft çıxarıb.
Şərtə görə neft müştəriyə ilin ikinci yarısında göndərilməli idi. Lakin bu nefti almaq üçün heç bir müştəri müraciət etməyib, potensial müştərilər iştirak üçün tenderdə qeydiyyatdan keçməkdən imtina ediblər və nəticədə tender baş tutmamış sayılıb.
Nəşrin yazdığına görə ,bundan əvvəl isə “Surqutnefteqaz” şirkəti “Transneft” şirkətinin Baltik limanlarından 8 tanker yükü həcmində “Urals” neftini satışa çıxarmışdı, amma alıcı tapılmadığından tender ləğv edilmişdi. Rusiyanın “Rusneft” dövlət şirkətinin də hasil etdiyi neftə müştəri tapmaqda çətinlik çəkdiyi bildirilir. “İnterfaks” agentliyinə danışan mənbə deyib ki, əsas problem müştərilərin nefti daşımaq üçün tanker tapa bilməməsidir. Çünki heç bir şirkət Rusiya neftini daşımaqla sanksiyalar riski ilə üzləşmək istəmir, ümumiyyətlə potensial müştərilər də Rusiya neftini kifayət qədər toksik hesab edərək ondan uzaq durmağa çalışırlar.
Xatırladaq ki, ABŞ və Böyük Britaniya Rusiya neftinin alışını dayandırıb, Avropa İttifaqı isə “Rosneft”, “Transneft” və “Qazpromneft” şirkətlərinə qarşı yeni sanksiyaların anonsunu verib.
"TASS" agentliyinin məlumatına görə, hazırda “Urals” markalı Rusiya nefti “Brent” markalı neftlə müqayisədə 29 dollar ucuz təklif edilir. Hazırda “Brent” neftinin bazar qiyməti 105 dollardan aşağıdır.
Vəziyyət bu cür ağır olsa da Rusiya neftinin ənənəvi müştərilərindən olan “Indian Oil” Hindistan şirkəti 3 milyon barrel “Urals” neftini alıb. Şirkət bunu sanksiyaların pozulması kimi qiymətləndirmir, bildirir ki, sanksiyaların təsiri altında olan Rusiya şirkətləri ilə əməkdaşlıq etmir.
Antoni Blinken İlham Əliyevi təbrik edib
Konstitusiya Məhkəməsi Milli Məclisə seçkilərin nəticələrini təsdiqləyib
Bu gün Xankəndidə ilk toy olub
Ərdoğan ABŞ-a səfərə gedib
Astarada 37 yaşlı kişini "tok" vurub
46 məntəqədə seçkinin nəticələri ləğv edilib-Məzahir Pənahov
“Neftçi” antirekorda imza atıb
24 yaşlı paytaxt sakini intihara cəhd edib
Daxili İşlər Nazirliyi dələduzlarla bağlı əhaliyə çağırış edib
Zelenski hərbi sahəyə əlavə 12 milyard $ ayrılmasını təsdiqləyib
Sentyabrın 23-də Xankəndi orta məktəbində ilk dərs günü olacaq
Sabah Bakıda 27° isti olacaq
Azərbaycanın BMT yanındakı Daimi Nümayəndəliyində görüş olub
Dünya çempionatı: Akrobatlarımız komanda hesabında ikinci olublar
İlham Əliyev Malta prezidentini təbrik edib
Azərbaycan təmsilçisi BMT Komitəsinin vitse-sədri seçilib
Bu gün İstanbul derbisi olacaq
Azərbaycan nefti 77,86 dollara satılır
Paytaxtınn bir hissəsində su olmayacaq
Ötən gün cinayət törətməkdə şübhəli bilinən 51 nəfər saxlanılıb
Lerik rayonunda zəlzələ olub
AFFA rəhbərliyi Fransada işgüzar görüşlər keçirib
“Azercell” “Neftçilər Günü"nə həsr olunmuş video hazırlayıb
Bakıda yeniyetmə və gənclər arasında VII Robot Olimpiadasının açılış mərasimi olub
“Fənərbağça” – “Qalatasaray” derbisinin biletləri 3 saniyəyə satılıb