200-dək nəhəng dünya şirkəti artıq Rusiyanı tərk edib

Rusiyanın Ukraynaya qarşı başladığı işğalçılıq müharibəsi səbəbindən qlobal brendlər bu ölkənin bazarını tərk etməkdə davam edir.

YeniAvropa xəbər verir ki, bu barədə Ukrayna Xarici İşlər Nazirliyinin mətbuat mərkəzi məlumat yayıb. 

Bildirilib ki, son məlumatlara görə ölkəni tərk edən şirkətlərin sayı 200-ə çatır. Onların sırasında “Shell”, “Lufthansa”, “Airbus” (energetika, aviasiya), “Mercedes-Benz”, BMW, “Skoda Auto as”, “Audi” (avtomobilqayırma), “Bolt”, “Google Pay”, “Mastercard”, “Visa”, “Western Union” , “Adidas”, “Puma”, “Nike”, “Disney” , “Netflix”, “Apple”, “Spotify”, “Microsoft” və s. məşhur şirkətlər yer alır.

Xatırladaq ki, Rusiyanın Ukraynaya müharibəsindən sonra digər qlobal şirkətlər də kütləvi şəkildə bu ölkənin bazarındakı fəaliyyətlərini dayandırıblar. Martın 10-da qlobal “Fast food” restoranlar şəbəkəsi “Burger King” Rusiya şəbəkəsinə dəstəyi dayandırmaq, “Formula-1” isə bu ölkə ilə bütün əlaqələri kəsmək qərarına gəlib.

Rusiya Ukraynaya qarşı müharibəni fevralın 24-də başlayıb. Hərbi əməliyyatlar zamanı hər iki tərəfdən xeyli insan həlak olub. Müharibə Ukraynanın infrastrukturuna külli miqdarda ziyan vurub, ölkənin minlərlə dinc sakini həlak olub və ya yaralanıb. Eyni zamanda yüz minlərlə mülki şəxs ölkəni tərk etmək məcburiyyəti ilə üzləşib.