Fransa prezidenti Emmanuel Makron Rusiya lideri Vladimir Putinin Ukraynada müharibəyə son qoymaq üçün irəli sürdüyü tələbləri qəbuledilməz adlandırıb.
O, bu barədə Avropa İttifaq liderlərinin Versal sammitindən əvvəl bildirib.
"Mən realist olmalıyam. Biz prezident Putinlə daim danışıqlarda iştirak edirik. Müharibənin başlanmasından əvvəlki son dəqiqələrə qədər və onun müharibənin başlandığını elan etməsindən sonra. Biz danışıqlar aparmağa və atəşkəsə nail olmağa çalışırıq. Amma mən etiraf etməliyəm ki, Putinin irəli sürdüyü şərtlər heç kim üçün qəbul edilmir”, - deyə E.Makron bildirib.
Onun sözlərinə görə, bu gün əsas məsələ Putinin prinsipcə səmimi danışıqlar aparmağa və nə isə təklif etməyə hazır olub-olmamasıdır.
"Ancaq faktlara baxıram, faktlar isə belədir: Rusiya müharibəyə başlamaq qərarına gəlib, Ukraynanı bombalayır, Rusiya mülki insanları bombalayır və paralel olaraq danışıqlar aparır. Amma bu danışıqlar heç bir nəticə vermir. Düzünü desəm, yaxın bir neçə saat ərzində atəşkəsin mümkünlüyünü görmürəm”, - deyə Fransa lideri sözlərinə əlavə edib./UNIAN
2002
2002
