Ümumdünya Səhiyyə Təşkilatının baş direktoru Tedros Adhanom Qebreyesus ehtiyacı olan sakinlərə yardım göstərilməsi üçün Kiyevdə humanitar dəhlizin təcili açılması ilə bağlı çağırış edib.
YeniAvropa xarici KİV-ə istinadla xəbər verir ki, Tedros Qebreyesus bunu Cenevrədə keçirilən brifinqdə bəyan edib. O bildirib ki, indiki münaqişəyə qədər ÜST Ukraynanın 23 xəstəxanasına tibb materialları göndərib. Lakin Kiyevdə yerləşdirilmiş ehtiyatlar hazırda əlçatan deyil.
Tedros Qebreyesusun sözlərinə görə, ÜST martın 3-də Polşaya 36 ton müxtəlif materiallar göndərəcək. Bu, 1000 pasiyentin yaralarını sağaltmağa və cərrahi əməliyyat aparmağa kömək edər. Çatdırılan yük 150 min insanın ehtiyacını təmin etmək imkanı yaradacaq.
ÜST-nin baş direktoru bildirib ki, təşkilat Fövqəladə Fonddan 5,2 milyon dollar ayırıb. Onun sözlərinə görə, növbəti üç ayda ÜST-yə Ukrayna üçün 45 milyon dollar və qonşu ölkələrdə qaçqınlarım müalicəsinə 12,5 milyon dollar lazım olacaq.
1925
1925
