Xarkova hücum dəf edildi: Rusiya ordusu 40-dan çox texnika itirdi
Rusiya işğalçı ordusu ötən gün axşam saatlarından başlayaraq Xarkov şəhərinə havadan və qurudan şiddətli hücumlara başlayıb.
YeniAvropa xəbər verir ki, bu barədə Xarkov vilayət administrasiyasının rəhbəri Oleq Sinequbov özünün "Facebook" səhifəsində məlumat paylaşıb.
Onun sözlərinə görə, martın 1-də günün ikinci yarısından başlayaraq Rusiyanın işğalçı ordusu Xarkov şəhərini intensiv olaraq artilleriyadan, aviasiyadan və reaktiv yaylım atəşi sistemlərindən atəşə tutub.
“Bütün hücumlar dəf edilib, düşmən ağır itkilər verib, təkcə zirehli texnika itkisi 40-dan çoxdur, mövqelər əldə saxlanılıb”, - deyə O.Sinequbov bildirib.
Vilayət rəhbəri qeyd edib ki, Ukrayna qüvvələri düşmənin diversiya-kəşfiyyat dəstələri ilə döyüşə girib, diversantlar şəhərdən çıxmağa çalışarkən hərbi hospitala hücum ediblər. “Bütün diversiya-kəşfiyyat qrupları məhv edilib. Bir düşmən təyyarəsi vurulub, pilot katapult edib, ancaq yerdə özünü güllələyib”, - deyə o, bildirib.
Rusiya ordusunun hücumu nəticəsində Xarkovda böyük dağıntılar var, dinc əhali arasında çoxsaylı ölənlərin olduğu təxmin edilir.
Ukrayna Təhlükəsizlik Xidmətinin yaydığı məlumatda isə ötən gecə Xarkov şəhəri Rusiya aviasiyası, o cümlədən strateji bombardmançılarla bombalandıqdan sonra şəhərə vertolyotlardan desant endirildiyi, şəhərdə küçə döyüşlərinin başladığı bildirilib.
“Xarkova Rusiya desantı endirilib. İşğalçılar hospitala – Şimal rayonundakı mərkəzi hərbi klinikaya hücum ediblər. Qəsbkarlarla şəhərin müdafiəçiləri arasında döyüş başlayıb”, - məlumatda deyilir. Digər təfərrüatlar hələ məlum deyil.
Günlərdir ağır döyüşlərin getdiyi Xerson şəhərində də Rusiya qoşunları var, hazırda onlar şəhərin çay limanına və dəmiryol vağzalına nəzarət edirlər. Ötən gecə şəhərdə nisbətən sakit keçib, amma ara-sıra atəş səsləri eşidilib. Şəhər meri İqor Kolıxayev bu haqda bildirib.
O, Ukrayna prezidentindən xahiş edib ki, şəhərdən yüzlərlə meyiti toplamaq üçün “yaşıl dəhliz” təşkil etsin. Habelə Xersona ərzaq və dərman çatdırmaq xahiş edilir. Merin sözlərinə görə, həm şəhər sakinləri, həm hərbçilər arasında çoxlu həlak olanlar var. Ruslar məktəblərə, çoxmərtəbəli yaşayış binalarına atəş açır, partlayışlar eşidilir.
Sumı vilayətinin Axtır rayonundakı Trostyansk qəsəbəsinə də üç istiqamətdən Rusiya hərbi kalonları daxil olub və yaşayış məntəqəsini tam ələ keçirib. Şəhərdə infrastruktur dağıdılıb, ruslar evləri gəzir, insanları zirzəmilərdən çıxarır və küçədə oturmağa məcbur edir. Bu barədə Sum vilayət administrasiyasının rəhbəri Dmitri Jivitski bildirib.
Rusiya qoşunları şiddətli bombardmanların hesabına bəzi yaşayış məntəqələrinə daxil ola bilsələr də ağır itkilər verməkdə davam edirlər. Ötən gün Xarkov ətrafında Ukrayna Silahlı Qüvvələrinin mexanikləşdirilmiş batalyonlarından birinin döyüşçüləri Rusiyanın 200-cü motoatıcı briqadasının tərkibindən 6 ən yeni T-80BVM döyüş tankını qənimət kimi ələ keçiriblər. Tanklar cəmi bir BMP-2 və “Javelin” tank əleyhinə raketinin köməyi ilə ələ keçirmək mümkün olub. Bu haqda ukraynalı jurnalist Yuri Butusov özünün Facebook hesabında bildirib və ələ keçirilən tankların fotolarını yayıb.
Sumı vilayətində isə martın 1-də axşam Ukrayna ordusu Rusiya ordusunun daha bir böyük kalonunu darmadağın edib. Vilayət rəhbəri Dmitri Jivitski bildirib ki, Ukrayna döyüşçüləri “Bayraktar TB2” döyüş pilotsuz təyyarəsinin və digər vasitələrin köməyi ilə Romensk rayonunun Pustovoytovka kəndi yaxınlığında Rusiya qoşunlarının cəmləşmə rayonuna zərbələr endiriblər. Nəticədə yarısı “Qrad” qurğularından ibarət olmaqla 80-ə yaxın texnika məhv edilib. Bundan başqa Bişkin kəndi yaxınlığında uzunluğu iki kilometrə çatan Rusiya hərbi kalonuna zərbələr endirilib. 100-ə yaxın tank və BTR-lər sıradan çıxarılıb.
“Sum vilayəti Ukraynanın şimal forpostudur! Sum vilayətinin müdafiəsi bütün ölkənin müdafiəsidir. Biz düşməni sərhəddə dayandırmışıq”, - Jivitski bildirib.
Antoni Blinken İlham Əliyevi təbrik edib
Konstitusiya Məhkəməsi Milli Məclisə seçkilərin nəticələrini təsdiqləyib
Bu gün Xankəndidə ilk toy olub
Ərdoğan ABŞ-a səfərə gedib
Astarada 37 yaşlı kişini "tok" vurub
46 məntəqədə seçkinin nəticələri ləğv edilib-Məzahir Pənahov
“Neftçi” antirekorda imza atıb
24 yaşlı paytaxt sakini intihara cəhd edib
Daxili İşlər Nazirliyi dələduzlarla bağlı əhaliyə çağırış edib
Zelenski hərbi sahəyə əlavə 12 milyard $ ayrılmasını təsdiqləyib
Sentyabrın 23-də Xankəndi orta məktəbində ilk dərs günü olacaq
Sabah Bakıda 27° isti olacaq
Azərbaycanın BMT yanındakı Daimi Nümayəndəliyində görüş olub
Dünya çempionatı: Akrobatlarımız komanda hesabında ikinci olublar
İlham Əliyev Malta prezidentini təbrik edib
Azərbaycan təmsilçisi BMT Komitəsinin vitse-sədri seçilib
Bu gün İstanbul derbisi olacaq
Azərbaycan nefti 77,86 dollara satılır
Paytaxtınn bir hissəsində su olmayacaq
Ötən gün cinayət törətməkdə şübhəli bilinən 51 nəfər saxlanılıb
Lerik rayonunda zəlzələ olub
AFFA rəhbərliyi Fransada işgüzar görüşlər keçirib
“Azercell” “Neftçilər Günü"nə həsr olunmuş video hazırlayıb
Bakıda yeniyetmə və gənclər arasında VII Robot Olimpiadasının açılış mərasimi olub
“Fənərbağça” – “Qalatasaray” derbisinin biletləri 3 saniyəyə satılıb