Ukraynanın Milli Təhlükəsizlik və Müdafiə Şurası ölkənin bütün ərazisində( Donetsk və Luqansk vilayətləri istisna olunmaqla) fövqəladə vəziyyət rejiminin elan edilməsini qərara alıb.
YeniAvropa yerli mətbuata istinadla xəbər verir ki, bu barədə Şuranın rəhbəri Aleksey Danilov bəyan edib.
O, qeyd edib ki, Donetsk və Luqansk vilayətlərində fövqəladə vəziyyət rejimi 2014-cü ildən tətbiq olunub.
“Fövqəladə vəziyyət rejimi bizim həyatımıza heç bir radikal təsir göstərməyəcək, situasiya maksimal korrekt şəkildə nizamlanacaq”, - o deyib.
Daha əvvəl isə prezident Volodimir Zelenski Ukraynada hərbi səfərbərlik elan edib, ordunun operativ ehtiyatında olan hərbi qulluqçuların orduya çağırılması prosesini başladıb.
Ukraynanın Dövlət Sərhəd Xidməti isə ölkənin Belarusla həmsərhəd rayonlarına xüsusi buraxılış rejimi tətbiq edib. Bu, sərhədin həmin istiqamətində vəziyyətin gərginləşməsi və Rusiya ordusunun Belarus ərazisindən gözlənilən hücumu ilə bağlıdır.
2072
2072
