Yer planetinə doğru potensial təhlükəli iki asteroid yaxınlaşır.
YeniAvropa xəbər verir ki, ABŞ-ın "The Sun" qəzeti NASA-ya istinadla məlumat yayıb.
Nəşrin yazdığına görə, 2013 YD48 adlandırılan asteroid Britaniyanın Vestminster sarayının saat qülləsi- Biq-Ben ölçüsündədir, ikinci asteroid 7482 YD48 isə ABŞ-ın Nyu-York şəhərindəki 102 mərtəbəli göydələn Empayr-state-bildinqdən iki dəfə böyükdür.
2013 YD48 asteroidinin eni təqribən 104 metrdir və yanvarın 11-də planetimizdən 5,6 milyon kilometr məsafədə keçəcək. İkinci asteroid yanvarın 18-də Yerdən 0,013 astronomik vahid məsafədə keçəcək. NASA-nın Yerə Yaxın Obyektlərin Tədqiqi Mərkəzinin məlumatına görə, bu, yaxın yanaşmadır.
Daha əvvəl NASA direktorunun müavini Tomas Zurbuxen bildirib ki, hazırda alimlərə məlum olan asteroidlərin heç biri yaxın 100 ildə Yerlə toqquşmaq təhlükəsi yaratmır. O vurğulayıb ki, alimlər ölçüsü 140 metrdən çox olan obyektlərin yalnız 40%-ni bilirlər. "Onların çoxu, təxminən 60%-ni hələ tapa bilməmişik", - Zurbuxen deyib.
2338
2338
