Avropa İttifaqı (Aİ) Belarusa qarşı 11 hüquqi və 17 fiziki şəxsin daxil olduğu beşinci sanksiyalar paketini təqdim edib.
YeniAvropa xəbər verir ki, bu barədə ə Aİ Şurasının hökumət bülletenində dərc olunmuş qətnamədə deyilir. Sanksiyalar Brüsselin Minskdən “hibrid hücum” hesab etdiyi miqrasiya böhranı ilə əlaqədar qəbul edilib. Aİ həmçinin xəbərdarlıq edib ki, vəziyyət yaxşılaşmasa, məhdudlaşdırıcı tədbirləri sərtləşdirməyə davam edəcək.
Yeni sanksiyalar paketində hüquqi şəxslərə bu şirkətlər daxildir: "Belavia" dövlət aviaşirkəti, Belarusun Sərhəd Mühafizə Xidməti, "Qrodno Azot" şirkəti, "Belshina", "Belorusneft", "Oskartur", eləcə də Minskə uçuşlar həyata keçirən Suriyanın “Cham Wings” aviaşirkəti və Türkiyədə Belarusa turların dizaynı ilə məşğul olan "VIP Grub" agentliyi.
Siyahıda Belarus Dövlət Sərhəd Komitəsinin rəhbəri Anatoli Lappo, onun müavini İqor Marşalov, Belarus Xarici İşlər Nazirliyinin mətbuat katibi Anatoli Qlaz da yer alıb.
Beləliklə, bu gündən Belarus üçün qara siyahıya salınmış şəxslərin ümumi sayı 183 fiziki və 26 hüquqi şəxsə çatdırılıb.
Aİ qətnamədə sərhədlərinə edilən bütün hibrid hücumları pisləyib və lazımi cavab verəcəyini bildirib.
"Aİ vəziyyətin yaxşılaşmadığı təqdirdə məhdudlaşdırıcı tədbirləri genişləndirmək hüququnu özündə saxlayır", - sənəddə deyilir.
2709
2709
