Avqustun 2-də Siyəzəndə iki piyadanın vurulması ilə nəticələnən yol-nəqliyyat hadisəsi baş verib.
YeniAvropa xəbər verir ki, şadlıq sarayının qarşısında baş verən hadisə zamanı avtomobil rayon sakinləri – 1957-ci il təvəllüdlü Abbasov Muxtar Şükür oğlu və 2001-ci il təvəllüdlü Nərimanov Hökmulla Rəsul oğlunu vurub.
Yaralılar dərhal Siyəzən Regional Diaqnostika Mərkəzinə çatdırılıb. Onlardan Muxtar Abbasovun vəziyyəti ağır olduğu üçün Bakıda yerləşən tibb müəssisələrindən birinə göndərilib. Digər yaralı isə ilkin müayinədən sonra ambulator müalicə üçün evə buraxılıb.
Faktla bağlı araşdırma aparılır.
4417
4417
