Bu ilin yanvar-noyabr ayları ərzində Azərbaycanda fəaliyyət göstərən 21 sığorta şirkəti tərəfindən 504,234,798 milyon manat sığorta haqqı toplanıb.
Maliyyə Bazarlarına Nəzarət Palatasının mətbuat xidmətindən bildirilib ki, həmin dövr ərzində sığorta şirkətləri tərəfindən həyata keçirilən ödənişlərin həcmi isə 230,880,320 milyon manat təşkil edib.
Bu ilin ilk 11 ayı ərzində sığorta bazarında toplanmış hər 100 manat sığorta haqqının 45,79 manatı sığorta hadisələrinin ödənişinə yönəldilib. Qeyd edək ki, 2016-cı ilin müvafiq dövründə bu göstərici 48,61 manat olub.
Könüllü sığorta bazarı üzrə haqlar ötən ilin müvafiq dövrü ilə müqayisədə 44 milyon 960 min manat artaraq 335 milyon 764 min manat olub. Bu sığorta növləri üzrə ödənişlər isə 13 milyon 688 min manat artaraq 179 milyon 720 min manata yüksəlib. Cari ilin müvafiq dövrü ərzində sektor üzrə məcmu sığorta haqlarının 67 faizi könüllü, 33 faizi icbari sığorta növlərinin payına düşüb. Sığorta ödənişlərinin isə 78 faizi könüllü, 22 faizi icbari sığorta növlərinin payına düşüb.
2017-ci ilin yanvar-noyabr ayları ərzində sığorta şirkətləri və sinifləri üzrə hesablanmış sığorta haqları və ödənişlərə dair ətraflı məlumatlar sığorta bazarının icmal göstəricilərində öz əksini tapıb.AZƏRTAC
2786
2786
