logo

Torpaq sürüşməsi nəticəsində Lənkəran - Lerik yolu bağlanıb

20:30 26-06-2024 | icon 1232
Torpaq sürüşməsi nəticəsində Lənkəran - Lerik yolu bağlanıb

Bu gün günorta saatlarında hava şəraitinin dəyişməsi və Lerik rayonunda güclü leysan, dolu düşməsi nəticəsində dağlarda torpaq sürüşməsi, uçqun baş verib.

YeniAvropa xəbər verir ki, torpaq sürüşməsi əsasən Lerik-Lənkəran magistralının 37 kilometrliyində, Lerik rayonunun Peştətük kəndi ərazisində baş verib.

Əraziyə 52 saylı Lerik yol istismar MMC-nin ağır texnikaları və canlı qüvvəsi cəlb olunub. Yolun qismən açıldığı bildirilir. Kənd sakinlərinin sözlərinə görə, belə bir hadisə ilə ilk dəfə qarşılaşıblar.

Yolun tam açılması istiqamətində işlər davam etdirilir.