Kazanda İƏT Gənc Sahibkarların X Beynəlxalq Forumu keçirilir
Rusiyanın Tatarıstan Respublikasının paytaxtı Kazan şəhərində İslam Əməkdaşlıq Təşkilatı (İƏT) Gənc Sahibkarların 10-cu Beynəlxalq Forumu işə başlayıb.
YeniAvropa xəbər verir ki, bu barədə İslam Əməkdaşlıq Gənclər Forumunun Avrasiya Regional Mərkəzindən (İƏGF Avrasiya Regional Mərkəzi) məlumat verilib.
Bildirilib ki, tədbir İƏGF Avrasiya Regional Mərkəzinin, Rusiyanın Tatarıstan Respublikası Gənclərlə İş Nazirliyinin, “Selet” Gənclər Fondu və Gənclərin Diplomatiya Akademiyasının birgə təşkilatçılığı, eləcə də “Sabah.Hub”, “Kazan IT Park”ın və digər qurumların təşkilatçılığı ilə keçirilir.
Forumun açılış mərasimində Tatarıstanın gənclərlə iş naziri Rinat Sadıqov, İƏGF Avrasiya Regional Mərkəzinin İdarə Heyətinin sədri Elçin Əsgərov, İƏGF-nin prezidenti Taha Ayhan və Tatarıstan Respublikası başçısının köməkçisi Timur Süleymanov, eləcə də bir sıra beynəlxalq təşkilatların nümayəndələri və ölkə rəsmiləri çıxış edərək belə tədbirlərin getdikcə daha çox real nəticələrə əsaslandığını xüsusi vurğulayıblar.
Artıq 10-cu ildir keçirilən forumun əsas məqsədi İƏT məkanında yeni yaradılan startap layihələrinə dəstək vermək, həmçinin gənc sahibkarların fəaliyyətini stimullaşdırmaqdır.
Tədbirdə çıxış edən İƏGF Avrasiya Regional Mərkəzinin İdarə Heyətinin sədri Elçin Əsgərov forumun əhəmiyyətindən bəhs edib. Gənc iş adamlarının müəllifi olduqları startap layihələrinin stimullaşdırılması, onların davamlı olması baxımından forumun işinə yüksək dəyər verdiyini vurğulayıb.
Açılış mərasimində, eyni zamanda, İƏGF Avrasiya Regional Mərkəzi ilə Tatarıstanın Gənclərlə İş Nazirliyi arasında Əməkdaşlıq Memorandumu imzalanıb.
Sənədi İƏGF Avrasiya Regional Mərkəzinin İdarə Heyətinin sədri Elçin Əsgərov və Tatarıstan Respublikası gənclərlə iş naziri Rinat Sadıqov imzalayıblar.
Memorandumda Kazan İƏT Gənc Sahibkarlar Forumunun keçirilməsi, eləcə də gələcək layihələrlə bağlı tərəflərin öhdəlikləri öz əksini tapıb. Bununla yanaşı, İƏT-in Avrasiya regionu üzrə fəaliyyətlərində İƏGF Avrasiya Regional Mərkəzi tərəfindən Tatarıstan Respublikası Gənclərlə İş Nazirliyinə bir sıra fəaliyyətlərdə dəstəyin verilməsi və gənclərlə iş sahəsi üzrə aidiyyəti layihələrin ortaq həyata keçirilməsi qərara alınıb.
Qeyd edək ki, forum çərçivəsində ekspert qrupundan formalaşdırılmış komissiyaya 45 İƏT ölkəsindən 150 startap layihəsi təqdim olunub. Xüsusi kreativliyi, innovativ xarakteri, həmçinin potensial təsiri ilə fərqlənən 30 startap seçilib. Seçilmiş startapların davamlılığının təmin edilməsi üçün onlara şəbəkələşmə və mentorluq baxımından dəstək göstəriləcək.
“Rusiya-İslam dünyası Kazan Forumu” XV Beynəlxalq İqtisadi Forumu çərçivəsində keçirilən “İƏT Gənc Sahibkarların 10-cu Beynəlxalq Forumu” mayın 18-dək davam edəcək.
Dubaydan gətirilən qızıl külçələri ölkəyə keçirən gömrükçülərin məhkəməsi başlayır
Piyada keçidinin tikintisinə görə Hava Limanı-Mərdəkan yolu bağlanacaq
AŞPA üzvlərinin Azərbaycana səfərinə qoyulan qadağa nə vaxt götürüləcək?
Daha bir cüdoçumuz Avropa çempionu olub
Göyçayda atasını döyərək öldürən oğulun məhkəməsi başlayır
İlham Əliyevin İtaliyaya işgüzar səfəri başa çatıb
“Yaşıl enerji məkanı” üzrə İşçi qrupunun növbəti iclası keçirilib
Şuşada "Vüqar Həşimov Memorialı-2024" turniri keçiriləcək
2024-cü ilin yayı tarixə ən isti mövsüm kimi düşdü
Ukraynaya daha güclü "F-16" donanması lazımdır-Zelenski
Sabah Bakıda 29° isti olacaq
Stoltenberq NATO ölkələrini Kiyevə daha çox hərbi yardım etməyə çağırıb
İlham Əliyev İtaliyanın “Ansaldo Energia” şirkətinin baş direktoru ilə görüşüb
Cənub Qaz Dəhlizi bu gün 10 ölkənin enerji təhlükəsizliyini təmin edir
İlham Əliyev Beynəlxalq Çernobbio Forumunda çıxış edib
İtaliya Azərbaycanın əsas ticarət tərəfdaşıdır-İlham Əliyev
Müdafiə Nazirliyinin rəhbərliyi bölmələrin döyüş hazırlığını yoxlayıb
İtaliyada 50-ci yubiley Çernobbio Forumu keçirilir
Bakıda “Hüquq və iqlim” adlı beynəlxalq konfrans keçirilir
"Formula 1" Azərbaycan Qran-Prisinin Akkreditasiya Mərkəzi fəaliyyətə başlayıb
DİM 500-ə yaxın şagird üçün əlavə imtahan keçirəcək
Azərbaycan nefti 78,33 dollara satılır
Şuşada Beynəlxalq Qastronomiya Günü keçirilir
Azərbaycanın iki qadın cüdoçusu Avropa çempionu olub
“Bakcell” və Bakı Şəhər Halqası Əməliyyat Şirkəti jurnalistlərlə görüşüb