Ərdoğan: "Afrin əməliyyatında 3740 terrorçu məhv edilib"

21:18 24-03-2018 | 2506

Suriyanın Afrin bölgəsində keçirilən əməliyyatlarda 3740 terrorçu məhv edildi.

YeniAvropa xəbər verir ki, bunu Türkiyə prezidenti Rəcəb Tayyib Ərdoğan AKP-nin Ordudakı konqresində çıxışında deyib.

"3740 terrorçu məhv edildi. Onları məhv edəcəyimizi əvvəldən demişdik. Onlar qaçacaq, biz qovacağıq dedik. Suriyaya qaçdılar, ordan da qovduq. Necə tunellər qazmışdılar. Onları o tunellərdə basdırdıq", - deyə Ərdoğan vurğulayıb.

Türkiyə prezident daha sonra deyib: "Türkiyə üçün terrorçuların harada fəaliyyət göstərməsi vacib deyil, biz onları məhv etmək üçün hər şeyi etməyə hazırıq".

Ərdoğan həmçinin qeyd edib ki, Mənbic, Təll-Abyad, Ras-əl-Ayna kimi şəhərlərin əhalisi də Türkiyə ordusunun gəlişini üçün çağırışlar edir:

"Heç kimin haqqı yoxdur, desin ki, Türkiyə Suriyanı işğal edir".

Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.

Bu gün Türkiyə SQ Baş Qərargahının rəisi Hulusi Akar əməliyyat çərçivəsində Türkiyə Ordusunun "Azad Suriya Ordusu" ilə birgə Afrində son yaşayış məntəqələrini azad etdiyini deyib.