Moskvada Boris Nemtsovun xatirəsinə yürüş keçirilib

20:42 25-02-2018 | 2345

Rusiyanın paytaxtı Moskva şəhərində müxalifətin qətlə yetirilmiş lideri Boris Nemtsovun xatirəsinə yürüş keçirilib.

YeniAvropa xəbər verir ki, bu haqda Azadlıq Radiosunun Rusiya bölməsi məlumat yayıb. Aksiya Moskva meriyası ilə razılaşdırılsa da, təşkilatçılar bir neçə nəfərin saxlandığını bildirilir. Aksiya iştirakçılarından "Rus, oyan", "Rus, mübarizə apar" kimi şüarların alındığı qeyd olunur.

Liberal müxalifət partiyalarının təşkil etdikləri aksiyada Nemtsovun portretləri ilə yanaşı, onun sitatlarının yer aldığı şüarlar da qaldırılıb.Aksiyanın önündə PARNAS Partiyasının lideri Mixail Kasyanov, "Həmrəylik" Hərəkatının rəhbəri İlya Yaşin gediblər.Yürüşə "Yabloko" Partiyasının sədri, prezidentliyə namizəd Qriqori Yavlinski də qatılıb. Aksiya iştirakçıları arasında prezidentliyə namizəd Kseniya Sobçak da yer alıb.Yürüşdə onminlərlə insan iştirak etdiyi bildirilib.

Aksiyanın sonunda yürüşçülər Nemtsovun 3 il qabaq öldürüldüyü Moskvoretsk körpüsünə gəlib oraya gül-çiçək düzüzblər.Nemtsov 1990-cı ilərdə Rusiya hökumətində yüksək vəzifələr tutub, 2000-ci illərdə müxalifətə keçib. 2015-ci il, fevralın 27-də qətlə yetirilib.