Bu gün Suriyanın İdlib bölgəsində uçuş həyata keçirən Rusiyaya məxsus qırıcı təyyarə vurulub. YeniAvropa xəbər verir ki, "Interfax" agentliyinin Rusiya Müdafiə Nazirliyinə istinadla yaydığı məlumata görə, "Su-25" qırıcı təyyarəsi silahlıların nəzarətində olan rayonda səyyar zenit-raket kompleksindən atəşə tutulub. Rusiyalı pilot terrorçularla atışmada həlak olub. Cəsədin qaytarılması üçün tədbirlər görülür.
Rəsmi məlumata əsasən, Suriyada aparılan hərbi əməliyyatlar zamanı Rusiya bu insidentədək 4 təyyarə və 4 helikopter itirib.
2569
2569
