Cari ilin yanvar-iyul aylarında Azərbaycanda 64 min 627 körpə doğulub. Əhalinin hər 1000 nəfərinə doğulanların sayı 2022-ci ilin müvafiq dövrü ilə müqayisədə 12,2-dan 11,0-a enib.
YeniAvropa Dövlət Statistika Komitəsinə istinadla bildirir ki, doğulanlar arasında oğlan uşaqlarının xüsusi çəkisi 53,2, qız uşaqlarının xüsusi çəkisi isə 46,8 faiz olub. Körpələrin 1972-i əkiz, 93-ü üçəm, 4-ü isə dördəm doğulanlardır.
Yanvar-iyul ayları ərzində ölkədə 35 min 142 ölüm halı qeydə alınıb. Əhalinin hər 1000 nəfərinə həmin göstərici 2022-ci ilin müvafiq dövrü ilə müqayisədə 6,3-dən 6,0-a qədər azalıb.
1694
1694
