Kəlbəcərdə göldə boğulan zabitimiz Göygölün kəlbəcərlilər qəbiristanlığında dəfn edildi
Kəlbəcər rayon ərazisindəki Böyük Alagöl gölündə boğularaq ölən Azərbaycan Ordusunun zabiti, 1981-ci il təvəllüdlü, kapitan Fərzəliyev İlham Allahverdi oğlu bu gün torpağa tapşırılıb.
YeniAvropa xəbər verir ki, kapitan İlham Fərzəliyev Göygöl rayonu Murovdağ qəsəbəsində yerləşən Kəlbəcər sakinlərinin qəbiristanlığında dəfn edilib.
Mərasimdə şəhidin yaxınları, hərbçi yoldaşları və ictimaiyyət nümayəndələri iştirak edib.
Qeyd edək ki, İ.Fərzəliyev Kəlbəcər rayon Tövlədərə kənd sakinidir, ailəli olub və bir övladı var.
O, Vətən müharibəsinin iştirakçısı olub və "Kəlbəcərin azad olunmasına görə” medalı ilə təltif edilib.
5614
5614
