Azərbaycan Respublikası Milli Məclisinin I çağırış deputatı Aslan Abbasov vəfat edib.
YeniAvropa xəbər verir ki, o, 71 yaşında dünyasını dəyişib.
Qeyd edək ki, Aslan Abbasov 1950-ci il martın 11-də Gəncə şəhərində anadan olub. Azərbaycan Dövlət Neft və Kimya İnstitutunun kimya texnologiyası fakültəsini bitirib.
1995-ci ildə 32 saylı İkinci Kəpəz seçki dairəsindən deputat seçilib. 2000-ci ilə qədər parlamentin üzvü olub. 2016-cı ildən Azərbaycan Texnologiya Universitetinin prorektoru vəzifəsində çalışıb.
Xatırladaq ki, A.Abbasov Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin İdarə Heyətinin sədri Mustafa Abbasbəylinin atasıdır.
Allah rəhmət eləsin!
6384
6384
