Xalq artisti Elmira Rəhimova koronavirusa yoluxub.
YeniAvropa xəbər verir ki, 80 yaşlı sənətçi FHN-nin Zığ qəsəbəsindəki Modul Tipli Hospitalına yerləşdirilib.
O, artıq 5 gündür ki, müalicə alır.
Elmira Allahverdi qızı Rəhimova 13 avqust 1941-ci ildə Bakı şəhərində anadan olub. Azərbaycan Dövlət Musiqi Texnikumunu (1965) , Azərbaycan Dövlət Dillər İnstitutunu (1970) bitirib.
1956-cı ildən Azərbaycan Dövlət Filarmoniyasının və Azərbaycan Teleradio Verilişləri Şirkətinin solistidir.
50-ci illərin sonunda hind mahnılarının ifaçısı kimi tanınan müğənni Hindistanın baş naziri C.Nehrunun dəvəti ilə iki dəfə (1957-59, 1961) Hindistanda olub, hind mahnı və rəqslərini öyrənib.
Azərbaycan bəstəkarlarının mahnılarını özünəməxsus ustalıqla ifa edən müğənni dDünyanın 60-dan çox ölkəsində konsert proqramları ilə çıxış edib.
Anand adında bir oğlu və iki nəvəsi var.
2394
2394
