Bakının Nobel prospektinin adı dəyişdirilib. Prospekt bu gündən "8 Noyabr" adlandırılıb.
YeniAvropa xəbər verir ki, bu barədə qərar Azərbaycan prezidenti İlham Əliyevin təşəbbüsü ilə qəbul edilib.
Qeyd edək ki, prospektin adının dəyişdirilməsi prezident İlham Əliyevin bu gün Nobel prospektində yerləşən Hərbi Qənimətlər Parkının açılışında iştirakı ilə üst-üstə düşüb.
Xatırladaq ki, Xətai rayonunda yerləşən Nobel prospekti paytaxtın ən uzun və ən mühüm nəqliyyat arteriyalarından biridir. Bu istiqamətdə çoxlu sayda avtobus marşrutları çəkilib. Prospekt şəhərin sənaye və yaşayış rayonlarını mərkəzlə birləşdirir. Prospektin uzunluğu da artıb.
Prospekt öz yeni adını Vətən müharibəsində Qələbə Günü şərəfinə alıb.
1533
1533
