Bu gün Türkiyədə fəaliyyət göstərən Azərbaycan əsilli iş adamı, məşhur "Palmali" şirkətlər qrupunun sahibi, "Xəzər-Lənkəran" futbol klubunun fəxri prezidenti Mübariz Mənsimovun doğum günüdür.
YeniAvropa xəbər verir ki, bu barədə "Palmali" şirkətinin mətbuat xidmətinin rəhbəri Fidan Quliyeva sosial şəbəkədə məlumat paylaşıb.
"Mübariz bəy artıq yanımızdadır. Ailəsi və onu sevənlərlə birlikdədir... Bu bahar Mübariz bəy üçün uğurlu gəldi və bu bahar uğurları ilə davam edəcək. Mübariz bəyin ziyarətinə getmişdim. Yazan, pozan, danışan, susan, bir sözlə, hamıdan danışdıq. Mənə elə bir söz dedi ki, məəttəl qaldım. Əslində, niyə təəccübləndim ki? Ondan başqa nəsə gözləmək düzgün deyil. Deyir: "Soruşanlara de ki, bir az özümüzü toparlayaq, yardım edəcəyik onlara..."
Kövrəldim..
Bəlkə də içində qırıldığı çox şeylər var, amma ürəyi həmin ürəkdir...
Qəlbi mərhəmətli,
xeyirsevər, sərvəti böyük ürəyi olan İNSAN! Doğum günün mübarək!",-deyə Fidan Quliyeva statusunda qeyd edib.
Xatırladaq ki, Mübariz Mənsimov 22 mart 1968 -ci ildə Masallı rayonunda anadan olub. Ailəlidir. iki oğlu, 2 qızı var.
1771
1771
