Milli Məclisin sabiq deputatı, texnika elmləri doktoru Elton Məmmədov AMEA-nın Radiasiya Problemləri İnstitutuna baş direktor təyin edilib.
YeniAvropa xəbər verir ki, o , bu günlərdə vəzifəsindən azad edilən Oqtay Səmədovun yerinə təyinat alıb.
Xatırladaq ki, yanvarın 22-də Azərbaycan Milli Elmlər Akademiyası Rəyasət Heyətinin iclası keçirilib. İclasın gündəliyinə çıxarılan ilk məsələ - AMEA-nın Radiasiya Problemləri İnstitutunda keçirilmiş yoxlamanın nəticələri ilə bağlı olub.
İşlərində yol verdikləri ciddi nöqsanlara görə, AMEA-nın Radiasiya Problemləri İnstitutunun direktoru, AMEA-nın müxbir üzvü Oqtay Səmədov və ümumi işlər üzrə direktor müavini Hökmən Mahmudov vəzifələrindən azad ediliblər.
Qeyd edək ki, Elton Məmmədov keçmiş nəqliyyat naziri Ziya Məmmədovun qardaşıdır. O, 2019-cu ildə Ramiz Mehdiyevin əmri ilə AMEA-nın "Yüksək Texnologiyalar Parkı” Məhdud Məsuliyyətli Cəmiyyətinin direktoru təyin edilmişdi.
1764
1764
