Şəmkir rayon Mərkəzi Xəstəxanasının baş həkimi Yusif Quliyev tuttuğu vəzifədən azad olunub.
YeniAvropa xəbər verir ki, bu barədə baş həkimin özü açıqlama verib. Onun sözlərinə görə işdən ayrılmasını özü xahiş edib.
"Bir müddət idi işdən azad edilməm barədə rəsmi müraciət etmişdim. Dünən reaksiya verildi və mən işdən azad edildim. Bakı şəhərindəyəm, ailəmin yanındayam. İşdən ayrılma səbəbim də ailəmə yaxın olmaq idi",- deyə Yusif Quliyev bildirib.
Qeyd edək ki, Y. Quliyev 2018-ci ildən Şəmkir rayon Mərkəzi Xəstəxanasının baş həkimi vəzifəsini icra edib.
1876
1876
