Paytaxtda avtomobil oğurlayan şəxsin digər cinayət əməlləri də ortaya çıxıb.
YeniAvropa xəbər verir ki, bu barədə Daxili İşlər Nazirliyinin mətbuat xidmətindən bildirilib. Qeyd edilib ki, Xətai rayon Polis İdarəsinin 35-ci polis bölməsinin əməkdaşları avtomobil qaçırdığına görə saxlanılan A.Ramazanov barəsində apardıqları əməliyyat tədbirləri ilə onun digər cinayət əməllərini də üzə çıxarıblar.
Belə ki, A.Ramazanovun rayon ərazisində V.Əhmədova məxsus “VAZ-2106” markalı avtomobili qaçırması, C.Əzimova məxsus “VAZ-2107” markalı avtomobildən təmir-tikinti alətləri və inşaat materialları oğurlaması və İ.Sepxanova məxsus eyni markalı avtomobildən oğurluğa cəhd göstərməsi də müəyyən edilib.
Faktla bağlı Xətai rayon Polis İdarəsi tərəfindən araşdırma aparılır.
1617
1617
