Prezident İlham Əliyev xalq şairi Ramiz Rövşənə mənzil hədiyyə edib.
YeniAvropa xəbər verir ki, bu barədə "Real İntervu"ya danışan Ramiz Rövşən hədiyyəyə görə dövlət başçsına minnətdarlığını bildirib:
"Gözlənilməz hədiyyələr həmişə xoşdur. Mənzil də insanı sevindirən hədiyyədir. Amma mənim üçün ən böyük hədiyyə Qarabağ torpaqlarının işğaldan azad edilməsidir. O hədiyyəni də mənə başda Ali Baş Komandan olmaqla, Azərbaycan Ordusu bağışladı. Bu, mənim sənətimə edilən hörmət, verilən qiymətdir. Buna görə təşəkkür edirəm".
Qeyd edək ki, bu gün Ramiz Rövşənin 74 yaşı tamam olur. O, 15 dekabr 1946-cı ildə Bakının Əmircan kəndində anadan olub.
1582
1582
