Fövqəladə Hallar Nazirliyi (FHN) Xaçmaz rayonu ərazisində dənizdə batan uşağın cəsədinin tapılması ilə bağlı məlumat yayıb.
YeniAvropa FHN-in saytına istinadla xəbər verir ki, nazirliyin Böhran Vəziyyətlərində İdarəetmə Mərkəzinə daxil olan məlumata əsasən avqustun 1-də Xaçmaz rayonunun Nabran kəndi ərazisində dənizdə çimərkən batan 2008-ci il təvəllüdlü Həsənov Polad İlham oğlunun meyiti avqustun 7-də Rusiya Federasiyası Dağıstan Respublikasının Dərbənd rayonunda, dəniz sahilində tapılıb.
Qeyd edək ki, 11 yaşlı Polad Həsənov Naxçıvan Muxtar Respublikası Culfa rayon sakini olub.
2660
2660
