Yevlax rayon Polis Şöbəsinin əməkdaşları tərəfindən “Xaş-xaş 2019” şərti adlı kompleks əməliyyat-axtarış və profilaktik tədbirləri nəticəsində çətənə bitkisi yetişdirməkdə şübhəli bilinən Qaraoğlan kənd sakini Rəşid Məmmədov saxlanılıb.
Daxili İşlər Nazirliyinin mətbuat xidmətindən YeniAvropa-ya bildiriblər ki, R.Məmmədovun kənd qəbiristanlığının yaxınlığındakı 0,05 hektar torpaq sahəsini zəbt edərək həmin ərazidə aqrotexniki qaydada qulluq edərək yetişdirdiyi ümumi çəkisi 1 ton 152 kiloqram olan 192 çətənə kolu aşkarlanaraq götürülüb. Həmçinin ərazidə axtarış zamanı oradan əlavə olaraq 605 qram qurudulmuş marixuana da aşkarlanıb.
Faktla bağlı Yevlax Rayon Polis Şöbəsində cinayət işi başlanıb, araşdırmalar davam etdirilir.
2849
2849
