Roma Papası Fransisk gələn ilin yazında Koreya Xalq Demokratik Respublikasına (KXDR) səfər edəcək.
YeniAvropa xəbər verir ki, bu barədə Cənubi Koreyanın hakim Demokrat Partiyasının sədri Li He-çan Seulda keçirilən partiya iclasında bildirib. Səfər barədə məlumatı haradan əldə etdiyini açıqlamayan partiya sədri əlavə edib ki, Cənubi Koreya Prezidenti Mun Ce-inin KXDR lideri Kim Çen Inın dəvətini çatdırmasından sonra Roma Papasının Şimali Koreyaya səfəri çox əhəmiyyətli olar.
Qeyd edək ki, ötən ay Pxenyanda keçirilən görüşdə KXDR lideri Kim Çen In prezident Mun Ce-indən Roma Papası Fransiski ölkəsinə səfərə dəvət etmək barədə niyyətini Papaya çatdırmağı xahiş etmişdi. Cənubi Koreya Prezidenti Avropa ölkələrinə səfəri çərçivəsində oktyabrın 16-17-də Vatikanda olacaq. Əgər səfər reallaşarsa, bu, katolik xristianlarının dini liderinin Şimali Koreyaya ilk səfəri olacaq.
2569
2569
