Serbiyanın mərkəzi hissəsində bir neçə avtomobilin iştirakı ilə baş verən ağır yol-nəqliyyat hadisəsi nəticəsində azı 6 nəfər həlak olub, 27 nəfər isə müxtəlif dərəcəli xəsarətlər alıb.
YeniAvropa xarici KİV-lərə istinadla xəbər verir ki, Serbiya Daxili İşlər Nazirliyinin məlumatına əsasən, insident Belqrad-Niş sürətli avtomobil magistralının Yaqodina şəhəri rayonunda qeydə alınıb.
Qəzaya dumanın səbəb olduğu ehtimal edilir. Hadisədən sonra yolda avtomobillərin hərəkəti dayandırılıb.
Hazırda qəzanın baş verdiyi ərazidə polis və xilasedicilər işləyir.
2772
2772
