logo

İyul ayında 45 günvurma hadisəsi qeydə alınıb-TƏBİB

12:22 09-08-2023 | icon 11060
İyul ayında 45 günvurma hadisəsi qeydə alınıb-TƏBİB

Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən Bakı Şəhəri Təcili və Təxirəsalınmaz Tibbi Yardım Stansiyasına iyul ayı ərzində günvurma ilə bağlı ümumilikdə 45 nəfər müraciət edib. Onlardan 7-si isə uşaq olub.

TƏBİB-dən YeniAvropa-ya verilən məlumata görə, müraciət edən böyüklərdən 9-u qadın, 7-si kişi olmaqla 16 nəfər, uşaqlardan isə 4-ü hospitalizasiya edilib.

Son iki gün ərzində isə günvurma ilə bağlı 2 müraciət daxil olub. Onlardan biri qadın, digəri isə kişi olub. Qadın vətəndaşa yerində yardım göstərilib, kişi vətəndaş isə Kliniki Tibbi Mərkəzə hospitalizasiya olunub.