Türkiyənin Mərkəzi Bankının sədri ilk dəfə qadın olub
Hafize Gaye Erkan Türkiyənin Mərkəzi Bankının sədri təyin olunub.
YeniAvropa xəbər verir ki, bu barədə Türkiyə prezidenti Rəcəb Tayyib Ərdoğan müvafiq sərəncam imzalayıb.
Qeyd edək ki, 1982-ci il təvəllüdlü Erkan 2001-ci ildə Boğaziçi Universitetindəki ixtisas bölümünü birinciliklə bitirib, daha sonra təhsilini ABŞ-nin Prinston Universitetində davam etdirib.
Prinstondan əməliyyat tədqiqatları və maliyyə mühəndisliyi üzrə doktorantura oxuyub. Erkan 2 il davam edən və 12 kursdan ibarət olan doktorantura proqramını bir ildə başa vurub və Prinston Universitetinin 276 illik tarixində proqramı bir ildə bitirən ilk tələbə olub. O, həmçinin ABŞ-də “ən gənc maliyyə professoru” adını qazanıb. Prinston Universiteti daha sonra doktorantura dərəcəsi üçün tələb olunan minimum təhsil müddətini bir ilə dəyişib. Daha sonra Harvard Biznes Məktəbində idarəetmə elmləri və Stenford Universitetində liderlik üzrə daha iki təlim proqramını bitirib.
Prinstonda təhsilini başa vurduqdan sonra aldığı təkliflə 2005-ci ildə “Goldman Sachs”da karyerasına başlayıb. O burada 9 ilə yaxın işləyib və Maliyyə İnstitutları Qrupunun Analitika və Strategiyalar Departamentinin rəhbəri vəzifəsində çalışıb. O, 2014-cü ildə “First Republic Bank”da baş investisiya direktoru vəzifəsində işə başlayıb. Erkan 2019-cu ildə idarə heyətinin sədri vəzifəsində Avqust-de Uayldı əvəzləyib. ABŞ-dəki ipoteka böhranından sonra Federal Əmanətlərin Sığortalanması Korporasiyası (FDIC) 2009-cu ildə “First Republic Bank”ın maliyyə nəzarətinə müdaxilə edib. Cari ilin mayın 1-də isə “First Republic Bank” FDIC tərəfindən nəzarətə alınıb və ilin üçüncü böyük iflası zamanı “JPMorgan”a satılıb. Erkanın bankdakı karyerası uğurlu qiymətləndirilib və onun bankın vəsaitlərinin 10 dəfəyə qədər artmasında rolu olub.
Erkan həmçinin iki il ABŞ-də yerləşən zərgərlik şirkəti “Tiffany & Co.”nun idarə heyətinin üzvü vəzifəsində çalışıb. O, Mərkəzi Bankdakı təyinata qədər qlobal maliyyə konsaltinq şirkəti “Marsh McLennan”ın idarə heyətinin üzvü olub. Qaye Erkan həm də Dünya qəzetinin iqtisadiyyat sahəsində köşə yazarıdır. Onun indiyədək daimi yaşadığı yer ABŞ-nin Nyu-York şəhəri olub. Evlidir, bir oğlu var.
Zərərçəkmişin razılığı olmadan fotosunu KİV-də yayanlar cəzalandırılacaq
Vergi orqanlarının vəzifəli şəxslərinin maaşları artırılır
Sabah Bakıda 29° isti olacaq
“Heydər Əliyev adına Beynəlxalq Təhsil Qrantı” elan edilir
Yeni il axşamı kafedə tanışlarını öldürən gəncin məhkəməsi başlayır
Rusiya Ukraynanın şəhərlərini bömbalayıb:Ölən və xəsarət alanlar var
Bakıda bədii gimnastika üzrə Dünya Kuboku start götürüb
Rusiyada hərbi təyyarə qəzaya uğrayıb:Pilotlardan biri həlak olub
Bakıda TDT diplomatiya akademiyalarının toplantısı keçiriləcək
Parlamentdə Hesablama Palatasının ötən il üzrə hesabatı dinlənilir
ABŞ Fələstinin BMT-yə tamhüquqlu üzv olmasını əngəlləyib
Milli Məclisin iclasında 14 məsələ müzakirəyə çıxarılıb
Ağdərə-Ağdam avtomobil yolunun inşasına başlanılıb
İsrail İrana raket zərbəsi endirib
"Xəzər səması-2024" birgə taktiki təlimi keçirilib
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 88,51 dollara satılır
Qəbiristanlıqdan oğurluq edən keçmiş məhkumlar saxlanılıb
Sumqayıtda valideynlərini öldürən gənc həbs edilib
UEFA Avropa Liqası: Bütün yarımfinalçılar müəyyənləşib
“Azercell” ADA-nın Karyera Hazırlığı Həftəsində iştirak edir
İranlı narkotacirin kuryerində 12 kq marixuana aşkarlanıb
SOCAR “ACWA Power”la "Yaşıl Gübrə” layihəsi çərçivəsində əməkdaşlıq edəcək
Azərbaycanla Türkiyə arasında ikiqat vergitutma ləğv edilir
Azərbaycan ilə Çinin baş prokurorluqları əməkdaşlığı genişləndiriir