logo

Milli Məclis ötən ilin dövlət büdcəsinin icrasını I oxunuşda qəbul edib

12:24 31-05-2023 | icon 1708
Milli Məclis ötən ilin dövlət büdcəsinin icrasını I oxunuşda qəbul edib

Milli Məclis 2022-ci il üzrə dövlət büdcəsinin icrası ilə bağlı qanun layihəsini birinci oxunuşda qəbul edib.

YeniAvropa xəbər verir ki, “Azərbaycan Respublikasının 2022-ci il dövlət büdcəsinin icrası haqqında” qanun layihəsi Milli Məclisin mayın 31-də keçirilən iclasının gündəliyində müzakirə edilib.

Qanun layihəsinə görə 2022-ci il dövlət büdcəsinin icrası üzrə gəlirlər 30 milyard 679 milyon 646,4 min manat, xərclər isə 32 milyard 64 milyon 568 min manat məbləğində olmaqla təsdiq edilir.

Sənədə əsasən 2022-ci il dövlət büdcəsinin gəlirləri 29 milyard 197,8 milyon manat proqnoza qarşı 30 milyard 679,6 milyon manat olub. Bu da 2021-ci illə müqayisədə 4 milyard 283,4 milyon manat (16,2 faiz) çoxdur.

2022-ci il dövlət büdcəsinin xərcləri ilkin olaraq 29 milyard 879 milyon manat məbləğində təsdiqlənib. Dövlət büdcəsinə yenidən baxılaraq, onun xərcləri artırılaraq 32 milyard 303,8 milyon manat məbləğində müəyyən edilib. Büdcə xərcləri 99,3 faiz həcmində icra olunub.

Qanun layihəsi müzakirələrdən sonra səsverməyə qoyularaq qəbul edilib.