Azərbaycan Xarici İşlər Nazirliyi(XİN) Qazaxıstana başsağlığı verib.
YeniAvropa xəbər verir ki, bu barədə XİN-in sosial şəbəkə hesabında paylaşım edilib.
"Qardaş Qazaxıstanda baş verən dağıdıcı daşqınları dərin hüznlə qarşıladıq. Bu fəlakətdən zərər çəkən insanlara Allahdan kömək diləyirik, dünyasını dəyişənlərin ailələrinə və yaxınlarına başsağlığı veririk. Qardaş Qazaxıstanın xalqı və hökuməti ilə həmrəyliyimizi ifadə edirik",-deyə məlumatda qeyd olunub.
Xatırladaq ki, Qazaxıstanın Rusiya ilə həmsərhəd olan şimal və qərb rayonları daşqınlarla üzləşib. Təbii fəlakət nəticəsində 4 mindən artıq ev su altında qalıb, on rayonda fövqəladə vəziyyət elan edilib və xilasedicilər ölkənin bəzi ərazilərindən 63 mindən çox insanı təxliyə ediblər. Xilasetmə əməliyyatlarına 8,7 mindən çox insan, 1,7 min texnika və 12 təyyarə cəlb olunub.
1099
1099
