Futbol üzrə Azərbaycan kuboku yarışlarında 2023-2024-cü illər mövsümünün təqvimi müəyyənləşib.
YeniAvropa Peşəkar Futbol Liqasına istinadla xəbər verir ki, komandalar turnirdə mübarizəyə noyabrda start verəcəklər.
Həmin ay ilk iki təsnifat mərhələsinin matçları olacaq. Əsas mübarizə - səkkizdəbir final mərhələsi isə dekabrın 19-20-də baş tutacaq. Bu raundların hamısında qalib bir oyunla bilinəcək. Ölkə kuboku yarışlarında dörddəbir final mərhələsinin görüşləri gələn ilin yanvar-fevral aylarına təsadüf edəcək. Apreldə isə yarımfinalın həm ilk, həm də cavab qarşılaşmaları təşkil olunacaq. Turnirin final matçı iyunun 2-də gerçəkləşəcək və bununla mövsüm başa çatacaq.
Qeyd edək ki, ölkəmizdə 2023-2024-cü illər mövsümünə avqustun 4-6-da keçiriləcək Premyer Liqanın birinci tur oyunları ilə start veriləcək.
1904
1904
