"Formula 1"ə görə 20 marşrutda avtobusların hərəkət sxemi dəyişdirilir

Bakı şəhərində keçiriləcək Formula 1 Azərbaycan Qran-Pri yarışları ilə əlaqədar olaraq 20 müntəzəm marşrut xəttinin hərəkət sxemində dəyişiklik olacaq.

YeniAvropa xəbər verir ki, bu barədə Bakı Nəqliyyat Agentliyindən bildirilib.Qeyd eilib ki, 1, 2, 4, 10, 46, M3 və H1 nömrəli marşrutlar üzrə avtobuslar alternativ olaraq D.Əliyeva küçəsi, K.Səfərəliyeva küçəsi, Nizami küçəsi, Neftçilər prospekti - Y.Səfərov küçəsi ilə təşkil ediləcək. 10 nömrəli marşrutlar üzrə avtobuslar alternativ olaraq A.Şaiq küçəsi - Ş.Bədəlbəyli küçəsi - D.Əliyeva küçəsi, K.Səfərəliyeva küçəsi, Nizami küçəsi, Neftçilər prospekti - Y.Səfərov küçəsi ilə hərəkətdə olacaq. 5 nömrəli marşrut üzrə avtobusların başlanğıc dayanacaq məntəqəsi Süleyman Rəhimov küçəsidir. 88 nömrəli marşrutlar üzrə avtobusların başlanğıc dayanacaq məntəqəsi Puşkin küçəsi (“28 May” metrostansiyası) olmaqla hərəkəti D.Əliyeva küçəsi - R.Behbudov küçəsi ilə təşkil ediləcək.

6, 18, 31, 37 və 77 nömrəli marşrutlar üzrə avtobusların son dayanacaq məntəqəsi B.Sərdarov küçəsi olmaqla Ş.Şamil, Lermantov, B.Sərdarov küçələri olacaq. 53, 125 nömrəli marşrutlar üzrə avtobusların son dayanacaq məntəqəsi M.Useynov küçəsində (Bakı funikulyoru) olmaqla təşkil ediləcək. 61 nömrəli marşrut avtobusları S.Vurğun küçəsi - Ş.Bədəlbəyli küçəsi – R.Behbudov küçəsi ilə hərəkət edəcək. 65 nömrəli marşrut üzrə avtobusların hərəkəti M.Muxtarov küçəsi - Ə.Cavad küçəsi - Azərbaycan prospekti ilə təşkil olunacaq. 205 nömrəli marşrut avtobuslarının hərəkəti Lökbatan NMM – Bakı Dairəvi Avtomobil yolu – M.Müşfiq küçəsi, daha sonra öz xətti ilə hərəkətini davam etdirəcək.

E1 nömrəli marşrutun hərəkəti Bakı Dairəvi Avtomobil yolu, M.Müşfiq küçəsi, A.Şaiq küçəsi - Ş.Bədəlbəyli küçəsi - D.Əliyeva küçəsi, K.Səfərəliyeva küçəsi, Neftçilər prospekti ilə təşkil ediləcək.

Qeyd: 6 nömrəli marşrut 2 istiqamət üzrə fəaliyyət göstərəcək: 1-ci istiqamət “Azadlıq prospekti” metro stansiyası – Axundov bağı; 2-ci istiqamət Funikulyor – Ö.F.Nemanzadə küçəsi.