logo

Pentaqonun gələn ilki büdcəsi 798 milyard dollar olacaq

14:54 20-12-2022 | icon 5803
Pentaqonun gələn ilki büdcəsi 798 milyard dollar olacaq

ABŞ Müdafiə Nazirliyi bu ilin oktyabrında başlayan 2023-cü maliyyə ilində fəaliyyəti üçün 797,7 milyard dollar alacaq, bu da əvvəlki maliyyə ilində olduğundan 69,3 milyard dollar çoxdur.

YeniAvropa xarici KİV-ə istinadla xəbər verir bu barədə ABŞ Senatının büdcə ayırmaları komitəsinin saytında dərc edilmiş bəyanatda bildirilir. Komitə qeyd edib ki, qanun layihəsi Silahlı Qüvvələrin “demək olar, bərabər rəqiblərlə” strateji rəqabətə hazırlanması üçün maliyyə vəsaitini təmin edəcək.

Məlumata görə, 2023-cü maliyyə ilinin büdcə qanun layihəsində müdafiə xərclərinə ümumilikdə 858 milyard dollar daxildir. Lakin Pentaqon bunun bir hissəsini alacaq, yerdə qalan vəsait Energetika departamentinin xətti ilə nüvə başlıqlarının döyüşə hazır vəziyyətdə saxlanmasına və nüvə başlıqlarına dair proqramlara sərf olunacaq.