logo

Oqtay Şirəliyevdən TƏBİB sədrinə tərs şapalaq-nazir sədrin işdən çıxardığı kadrı geri qaytardı

13:29 24-06-2020 | icon 3213
Oqtay Şirəliyevdən TƏBİB sədrinə tərs şapalaq-nazir sədrin işdən çıxardığı kadrı geri qaytardı

Xəbər verdiyimiz kimi dünən axşamdan etibarən təcili və təxirəsalınmaz tibbi yardım xidməti Tibbi Ərazi Bölmələrini İdarəetmə Birliyindən (TƏBİB) alınaraq yenidən Səhiyyə Nazirliyinin tabeliyinə verilib.

YeniAvropa xəbər verir ki, bu gün ilə bu təkrar yerdəlişmənin səbəbi bəlli olub. "Unikal.org"un əldə etdiyi məlumata görə, dünən axşam saatlarında TƏBİB-in İdarə heyyətinin sədri Ramin Bayramlı Bakı Şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyevi işdən kənarlaşdıraraq onun yerinə Cavanşir Fərəcov təyin edib.

Baş verən bu hadisə R. Bayramlı ilə səhiyyə naziri Oqtay Şirəliyev arasında anlaşılmazlığa səbəb olub. Nazir bu təyinatla bağlı öz narazılığını bildirib.

Beləliklə də, Bakı Şəhər Təcili və Təxirəsalınmaz Tibbi Yardım Stansiyası yenidən Səhiyyə Nazirliyinin balansına qaytarılıb, Rauf Nağıyev isə yenidən əvvəlki vəzifəsinə təyin edilib.