logo

Bərdədən Bakıya 200 kq-dək yararsız ət gətirmək istədilər

14:16 03-10-2019 | icon 203
Bərdədən Bakıya 200 kq-dək yararsız ət gətirmək istədilər

Qida Təhlükəsizliyi Agentliyi Daxili İşlər Nazirliyinin əməkdaşları ilə birgə oktyabrın 2-i gecə 23:00 radələrində Bərdə rayonu ərazisində əməliyyat həyata keçirib.

Agentliyin İnformasiya təminatı və innovativ həllər şöbəsindən  YeniAvropa-ya verilən məlumata görə, əməliyyat zamanı Tərtər rayonunun Mamırlı kənd sakini Əhmədov Asəf Rəşid oğluna məxsus “Mercedes-Benz” markalı 59- BH- 389 dövlət qeydiyyat nömrə nişanlı minik avtomobilinin yük yerindən bir baş iribuynuzlu heyvan cəmdəyi aşkarlanıb. İlkin baxış zamanı ətin heç bir mənşə sənədi olmadığı, orqonoleptik göstəricilərinə görə ətin qansızlaşdırılmasının düzgün aparılmadığı, bakterioloji çirklənməyə məruz qaldığı müəyyən edilib.

İstifadəyə yararsız əti paytaxta gətirən şəxs onu tanışı Bərdə rayon sakini Arzuman adlı şəxsin istəyi ilə Bakı şəhərinə apardığını bildirib.

Ümumi çəkisi 180 kiloqram olan heyvan cəmdəyindən nümunələr götürülərək analiz üçün Qida Təhlükəsizliyi İnstitutunun laboratoriyasına göndərilib.

Hazırda faktla bağlı araşdırma davam etdirilir.