İsrailin paytaxtı Tel-Əvivdə keçirilən cüdo üzrə "Qran-Pri" turnirinin sonuncu günündə Azərbaycan millisi ilk medalını əldə edilib.
YeniAvropa xəbər verir ki, Məmmədəli Mehdiyev (90 kq) ardıcıl olaraq türkmənistanlı İhlas Setderovu və kanadalı Mohab El Nahası məğlub etsə də, dörddəbir finalda hollandiyalı Jesper Sminkə uduzub. İdmançımız təsəlliverici görüşdə ABŞ təmsilçisi Kolton Braun və estoniyalı Klen Kristofer Kalyulayd üzərində qələbə qazanaraq bürünc medala layiq görülüb.
Qeyd edək ki, komandamızın üzvləri İrina Kinderskanın (+78 kq) finaldakı rəqibi ukraynalı Yelizaveta Kalaninadır. Uşangi Kokauri (+100 kq) bürünc medal uğrunda görüşdə rusiyalı Anton Krivobokov ilə üz-üzə gələcək.
3199
3199
