AFFA-nın Məşqçilər Komitəsinin və baş katibliyin birgə fəaliyyəti çərçivəsində 21 yaşadək futbolçulardan ibarət Azərbaycan milli komandasının baş məşqçisi vəzifəsinə müxtəlif mütəxəssislərin namizədliyi müzakirə olunub və həmin məşqçilərlə görüşlər keçirilib.
YeniAvropa AFFA-ya istinadla xəbər verir ki, hazırda "U-21"in baş məşqçisi vəzifəsinə namizəd serbiyalı mütəxəssis Milan Obradoviçdir. Bütün şərtlərlə bağlı qarşılıqlı razılıq əldə ediləcəyi təqdirdə, Azərbaycan U-21 millisinin baş məşqçisi vəzifəsi Məşqçilər Komitəsinin təqdimatına əsasən, Milan Obradoviçə həvalə olunacaq.
Xatırladaq ki, 41 yaşlı futbolçu karyerası ərsində "Radniçki"(Belqrad), "Borusiya"(Münhen), "Metallist"(Xarkov), "Lokomotiv"(Moskva) və s. klublarda çıxış edib.1999-2001-ci illərdə keçmiş yuqoslaviya milli komandasının heyətində meydançaya çıxıb. 2015-çi ildən serbiya milli komandasında koməkçi, 2017-ci ildən isə 19 yaşadək yığmanın çalışdırıcısı olub.
2884
2884
