Dünya tacı uğrunda növbəti matç Avropada keçirilməyəcək. YeniAvropa xəbər verir ki, bu barədə Beynəlxalq Şahmat Federasiyasının(FİDE) rəhbəri Arkadi Dvorkoviç məlumat verib. Onun sözlərinə görə, başçılıq etdiyi qurum dünya çempionatı adı uğrunda matçların keçirilməsi zamanı rotasiya prinsipini rəhbər tutmaq niyyətindədir.
“Düşünürəm ki, Asiya ölkələri – Çin, Yaponiya, Honkonq və Sinqapur ən iri turnirlərin, o cümlədən dünya çempionatlarının təşkili üçün öz namizədliklərini irəli sürəcəklər. Biz dünya çempionatlarının keçirilməsi zamanı kontinentlərin rotasiyasına əməl olunmasını istəyirik. Odur ki, növbəti turnir həqiqətən də Avropa ölkəsində keçirilməyəcək. Bu, açıq yarış xarakteri daşıyan proses olacaq: biz çempionatın meyarlarını, keçirilməsi formatını müəyyən edəcəyik və ən yaxşı şərtləri təklif edən ölkəni seçəcəyik”,-deyə Arkadi Dvorkoviç bildirib.
2905
2905
