Bolqarıstan, Yunanıstan, Rumıniya və Serbiya da "DÇ-2030"u keçirməyə iddialıdırlar
Dörd Balkan ölkəsi 2030-cu ildə futbol üzrə dünya çempionatına ev sahibliyi etmək üçün birgə sifariş verə bilər.
YeniAvropa xəbər verir ki, bu barədə Varnada Bolqarıstan, Yunanıstan və Rumıniyanın baş nazirləri, habelə Serbiyanın prezidenti arasında görüş zamanı bu turnirin təşkilinin mümkünlüyü məsələsini müzakirə ediblər.
Xatırladaq ki, 2018-ci ildə dünya çempionatı Rusiyada keçirilib. Bu, tarixdə ilk və hələlik yeganə haldır ki, turnir Şərqi Avropada baş tutub.
Bundan əvvəl məlum olub ki, Argentina, Paraqvay və Uruqvay DÇ-2030 üçün birgə sifariş verməyi planlaşdırırlar. Bundan əlavə, İngiltərənin ya təkbaşına, ya da Şotlandiya, Uels, Şimali İrlandiya və İrlandiya ilə birgə sifariş verməsi variantı da nəzərdən keçirilir.
Qeyd edək ki, futbol üzrə dünya çempionatı 2022-ci ildə Qətərdə, 2026-cı ildə isə Kanada, Meksika və ABŞ-da keçiriləcək. 2026-cı ildə ilk dəfə olaraq dünya çempionatında 48 komanda iştirak edəcək.
2807
2807
